बेलायतमा बसोबास गर्ने तमुहरुको हकहित र जातीय धार्मिक सांस्कृतिक जानकारी गराउन तथा प्रचार प्रसार गर्ने उद्देश्यले मार्च १९ २००५ मा प्ये ताँ ल्हु ताँसम्बन्धी एक गोष्ठी सम्पन्न भयो । उक्त गोष्ठीले बेलायतजस्तो Multicultural देशमा विश्वको सबैभन्दा पुरानो इतिहास भएको हाम्रो तमु प्ये ताँ ल्हु ताँको संरक्षण र सम्बद्र्धन गर्न तमु प्ये ल्हु संघ केन्द्रीय समिति पोखरा नेपालसँग अनुमति लिई अक्टोवर २, २००५ मा २३ सदस्यीय कार्यसमिति चयन गरियो ।

Our Mission

स्थापना कालदेखि बेलायतजस्तो अति व्यस्त शहरमा सन् १९९२ देखि क्याम्ब्रिज विश्वविद्यालयमा तमु प्ये ताँ ल्हु ताँसम्बन्धी सोंध कार्य गर्दै आएका यारजङ क्रोम्छें तमु, केन्द्रीय संस्थापक बालिसंङ क्रोम्छें तमु र भू.पू. केन्द्रीय अध्यक्ष भुवनिसंङ च्हाक्ली तमुको विशेष निर्देशन सल्लाह र सुझावबाट शाखा स्थापना गर्न सफल भएको हो । संस्था स्थापना भएपछि उनीहरुकै मार्ग निर्देशनबमोजिम सन् २००५ डिसेम्बर ३० तारिका दिन ल्होसार पर्व विधिपूर्वक मनाइयो । उक्त कार्यक्रममा तमु प्ये ल्हु संघ बेलायत शाखाको कार्यसमितिको अथक प्रयासबाट सम्पूर्ण बेलायतबासी तमुहरुलाई एकत्रित गरी ल्होसार पर्व मनाउन सफल भयो । यसै गरी यस वर्ष पनि डिसेम्बर ३० का दिनलाई नै विविध कार्यक्रमसहित निरन्तर दिने निर्णय गरेको छ ।

त्यसैगरी बेलायत शाखाले शाखाका सल्लाहकार यारजङ क्रोम्छे तमुको सल्लाहअनुसार साउने सक्रान्तिको दिनलाई क्ह्वोइडुलु मार पर्व पनि सफलतापूर्वक मनाउन पाँउदा यहाँस्थिति तमु प्ये ताँ ल्हु ताँमार्गीहरुको मन हर्षले गदगद भएको थियो ।

बेलायतको भूमिमा तमु प्ये ल्हु संघको नीति र आचरणलाई बलियो बनाउन र समय अनुकूल चल्न बेलायत शाखा कटिबद्ध रहेको छ । यसको लागि प्ये ल्हु संघ केन्द्रीय समिति पोखराबाट आवश्यक निर्देशन तथा सल्लाह सदा पाइरहेको कुरा सबैलाई अवगत गराउँदछौं । बेलायत शाखाको क्रियाकलापबाट तमु जातिको इतिहास मूल्य र मान्यता बुझ्न विश्वभरका मानिसहरुलाई सहज बनाएको छ ।

आफ्नै प्राकृतिक बोन धर्मको अनुसरण गर्ने क्रममा बेलायतसँग अन्य संघसंस्थाहरुको मित्रता प्रगाढ बन्दै गएको छ । एक बर्षको छोटो अवधिमा तमु प्ये ताँ ल्हु ताँको विकास गर्न र अन्य संघ संस्थाहरुसँग सम्बन्ध जोड्न सक्नुले तमु जातीको इतिहास विकास मात्र नभएर मानव जातीको विकासमा हाम्रो जातीय धर्म संस्कार भाषा भेषभूषाको जानकारी गराउन बेलायत शाखा सक्षम भएको छ । यस्तो प्रकृया सम्पूर्ण शाखाहरु साथै नेपालको जिल्ला अञ्‍चल स्तरीय र विदेशमा समेत विस्तार हुनुपर्ने आवश्यकता महसुस सर्वत्र गरिएको छ ।

यसै बर्ष केन्द्रीय कार्यालयमा तमु खेगी पाठशाला स्थापना भएको खबरले केन्द्रको लक्ष्य र कर्तब्य केही हदसम्म पूरा हुँदैछ । यो लक्ष्यलाई सफल बनाउन स्यार्लो तमु प्ये ल्हु संघ काठमाडौंको ठूलो योगदान रहेको देखिन्छ । उक्त पाठशालाको लागि बेलायत शाखाले पनि निरन्तर सहयोग गर्ने योजना बनाएको छ । जस्तैः केन्द्रमा पाठशाला पढाउने काम शुरु भएपछि सहयोग गर्ने भनी यहाँस्थिति सदस्यहरुबाट प्रति व्यक्ति मासिक ५ पाउण्ड आर्थिक संकलन गर्ने कार्य प्रारम्भ भैसकेको छ । यसलाई निरन्तरता दिन सबै कार्यकर्ताहरु कट्टिबद्ध छन् । स्थापना कालबाट शाखाले तमुहरुको भौतिक र बौद्धिक विकासको लागि प्राथमिकतासाथ कार्यक्रम बनाउँदै आएको छ । यस क्रममा बेलायत शाखामा विद्युतीय माध्यामको साहारा लिई केन्द्रीय कार्यक्रमहरुलाई वेवसाइटमार्फत विश्वमा परिचय गराउन सफल भएको छ । यसमा प्रेम च्ह्याक्ली तमुको महत्वपूर्ण देन छ । बेलायत शाखाद्वारा गरिने कार्यक्रमको लागि अर्थ संकलनमा विशेषगरी जगत प्हच्यु तमु नाचगानमा तेज तमु विकास तमु ज्योति तमुको ठूलो सहयोग रहेको छ । त्यसै गरी कार्यक्रम सफल पार्न सल्लाहकारहरु धार्मिक गुरुहरु लगायत यू. के. तमु प्ये ल्हु संघ शाखाका कार्यसमितिलगायत सम्पूर्ण बेलायतबासी तमुहरुको उत्तिकै योगदान रहेको छ । हाल बेलायतको जुनैसुकै पनि ठाउँमा तमुहरुको जनघनत्व बढी भइसकेको छ । त्यस ठाउँमासमेत उपशाखाहरु खोल्ने प्रयास यस शाखाबाट भइरहेको छ । जस्तै Aldershot, Farnborough, Reading, Besingstoke, Dover, London, Nuneaton, Wales आदि ठाउँहरुमा प्रतिनिधि खटाइ इकाई समिति गठन गर्ने लक्ष्य राखेका छौं । भविष्यमा बेलायतमा पनि क्होइबो घर निर्माण गर्ने लक्ष्य यस शाखाले लिएको छ ।

Becoming a Member

Life Membership
Family = £300
Single = £200